住在高士德區想食個好D既早餐都會有D難度,本人住左高士德區廿幾年, 以前趕番學都會忽略左呢區既茶餐室,其實不乏好食小店,今次介紹既食店亦都會較一般茶餐室多特別款式既食物,包保大家會有新鮮感。
新潮咖啡美食
地址: 荷蘭園正街84號AB鋪
營業時間: 7:00 - 17:00
電話: 28568773
牛肉奄列.
呢度奄列真係好滑,蛋味又夠晒香,牛肉稔滑,真係一試就愛上了。
無骨雞翼撈麵.
麵底不會撈得太咸,麵亦夠爽,加埋隻煎香晒既無骨雞翼,真係番工番學都醒神D。
牛尾湯通粉.
如果想朝早有開胃D既感覺,就要試下佢既牛尾湯通粉,堅牛尾湯又唔怕有酸味,如通粉可以煮得煙韌D就仲好。
咖哩魚片肉鬆包.
呢度D咖哩係幾出色,唔怕太辣又不失咖哩香味,肉鬆加魚片兩種唔同口感既食物混在一起,層次感十足。
牛脷撈麵
牛脷夠晒稔又唔痴牙,抵讚。
炸雞球撈麵
呢個即叫即炸既炸雞球,外鬆脆內軟滑,唔食就走寶了。
芝士蛋白包
不用多說蛋白滑,芝士同包融為一體,好食。
蘋果蜜
有真蘋果肉,清香無比,潤肺潤喉。
鮮奶柯華田.
最後介紹呢個係鮮奶柯華田,又係必選系列,香滑到漏。
由於本人會經常黎新潮食早餐,所以都唔記D食品價錢,但大家放心,絕對係抵食同好食既推介。提提大家呢度食撈面可以加”雙汁”,知有幾好味,不妨親身去試下,今期又講住咁多先,下期再見。
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
AC