還記得很久很以前，澳門第一間旋轉餐廳就係落座京澳酒店(現在的維景酒店)，當年那裡氣氛相當不錯又居高臨下，一望無際，看夜景一流。雖然現在澳門已急速發展，高樓大廈隨處可見，璇宮已不是最有特色的餐廳，但近來一試，仍是一個幾有情調，食物質數不俗的餐廳。
璇宮
地址: 新口岸北京街199號 維景酒店26樓.
營業時間: 18:00 - 23:30
電話: 87903208
極品西班牙黑毛豬火腿拼蜜瓜 MOP$58
蜜瓜香甜，火腿配埋紅酒，做前菜真係最好不過。
香草牛油焗法國田螺 MOP$58
田螺焗到好軟身唔怕硬又夠香口
芝士焗蟹肉及牛油果 MOP$62
呢個蟹肉同牛油果異常配合，我食左三啖就將佢放晒落肚，好想即刻再叫多個。
百事吉龍蝦湯 MOP$58
一個我幾鍾意既龍蝦湯，好濃郁，又有結實既龍蝦肉。正！
帶子南瓜忌廉湯 MOP$42
好香既忌廉加埋彈牙既帶子，大家一定要試下。
特選七打牛柳(兩位用) MOP$720
呢個要五成熟就好，裡面又有肉汁又夠晒稔滑，配紅酒汁會有多一種香醇感。
西班牙黑豚肉鞍排 MOP$230
呢個肉質煙韌肉味香濃，唔想食牛要試下。
法國春雞 MOP$180.
細細隻，爽嫩。
黑松露野菌燴意大利粉 MOP$108
我好喜歡呢個意粉既軟硬度，剛好適中，配埋黑松露既獨有味道，Perfect！
火焰焗雪山 MOP$52
在澳門已比較少見既甜品，上檯時會在客人面前點火，噱頭十足。
暖心朱古力布甸配雲呢嗱雪糕 MOP$52
外面硬身內裡鬆軟既朱古力，好味道。
焗蘋果酥批 MOP$42
批底未算鬆化，但有香甜既蘋果肉補救番，雖然扣左D分，但都不失為一個飯口甜品的選擇。
免費紅酒 真係無辦法投數。
我會用平靚正來形容旋宮，非常適合三五知己談天說地，又或者二人世界去共進晚餐的一個好地方。今期又講住咁多先，下期再見。
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
AC
