近期小編又發現澳門有一間新的泰式小店開始營業,可能讀者又會問“又係泰國野食?”無錯,因為本人覺得澳門朋友係幾鐘意泰式食店,可能係同澳門人喜歡去泰國旅行有關。泰式食品通常酸酸辣辣好似幾開胃咁,但有特色又好味的泰式食品在澳門並不多。
地址: 新雅馬路福海花園(螺絲對面)
營業時間: 11:00 – 21:00
電話: 28521323
泰式海南雞飯
用雙色飯幾特別,兩種味道共冶一爐,雞雖然係冰鮮雞,但滑溜溜的,絶對好味。
泰式豬手飯
皮香肉滑,口感非常好。
泰式牛肉湯米
牛肉有咬口,湯底很濃烈,一下子已將全個湯米運入胃裡。
冬陰雞腳
如想轉轉口味,可試這個酸酸辣辣的雞腳,開胃又醒神。
燒牛肉
如覺得還未夠飽,可加多個燒牛肉,皮脆脆的,牛味非常。
泰式奶茶
最後來杯香醇滑溜的奶茶,真係留下最好的回憶。
其實泰友麵在白鴿巢公園附近已有一間外賣店,但與堂食店的出品略有不同,如各位讀者喜歡堂食店的味道不妨試埋外賣店,一定會有令你驚喜的地方。 好,又講住咁多先,下期再見。
如果大家想同我分享美食,可電郵或到手機看食物的facebook專頁。
facebook專頁:在facebook內搜尋 “手機看食物”
AC