唔止大隻咁簡單

發佈日期:2014/09/15

封面故事第六期.jpg

邱頌華,這個名字在澳門體壇經常出現,除連續四屆健美先生外,最近更衝出澳門,在亞洲健美錦標賽留名,憑一身靚肌肉勇奪男子70公斤級別冠軍,運動員生涯登上頂峰。不過除咗“大隻佬”形象外,原來阿Joe也曾經是幾項運動項目的代表隊成員,真係周身刀張張利。

0ed74138835a584d17babf3b9f255193.jpg

邱頌華在健美運動登上運動員生涯最高峰

小學心臟問題入院

可能大家都知,邱頌華的爸爸就係田徑界前輩邱武邦,但點解阿Joe最終唔係子承父業呢?大家就有所不知;話說阿Joe自細體弱,心臟更曾經出現問題:“其實老竇當初唔想我玩田徑,因為小學時心臟有事,入過兩次醫院,嚴重到要留醫一個多月,佢怕我練練吓會死(哈哈)。不過自己覺得唔可以再做孱仔,之後終於畀我跟佢訓練長跑,主要想練吓氣,就咁開始我的運動員生涯。”

771d11f0b8a7596b452ae58b2ca159e5.jpg

長跑是邱頌華的運動員生涯起點

第一步由長跑開始

長跑苦練有功,邱頌華終於獲得機會代表澳門學界隊比賽,略有成績,不過阿Joe體內的運動細胞極旺盛,專注一項未能滿足到他,之後決定追求刺激與速度的賽車快感,揭開運動員的新一頁,參戰過澳門格蘭披治電單車賽(澳門迷你車迷會盃),而且一賽又係十年光景:“賽車生涯要追溯至1999年,一開始係賽卡仔場,然後再玩電單車,一直瞞住屋企,但後來有幾次跌斷過手和鎖骨,家人非常反對,直至有次我老竇睇報紙見到我個名攞第一,先知道我偷偷玩賽車。”

46b296e80ecf598219f7a28a8799d23b.jpg

阿Joe當年瞞住屋企人偷偷去賽車

571225d24bef3b56aaffcd8b9a773cf5.jpg

為澳爭光,成為邱頌華不斷前進的動力。

賽車賽艇樣樣出色

熱愛運動的阿Joe又怎會獨孤一味賽車,他透露讀大學期間也練過拳:“跟蕭自康學過一、兩年,代表總會參加本地賽,有時亦會返大陸比賽。”經常出現邱頌華這個名字的運動項目,最為人熟識應該還有龍舟和室內賽艇,阿Joe代表澳門隊贏過龍舟亞錦賽2000米金牌及世界賽亞軍,個人在室內賽艇的發展亦一帆風順,曾奪四屆澳門冠軍,也是至今的港澳紀錄保持者。

bd2b910d1e1b00bb6558c2008d40a6b3.jpg

由個人項目融入到講求團體的龍舟運動,同樣難唔到邱頌華。

做運動員必須好勝

由當初的跑步鍛鍊、到賽車的刺激、再到龍舟的團體成就、再到賽艇的耐力和力量表現,邱頌華突然轉型向“美”發展,2004年首次踏上健美運動舞台,十年磨一劍,今年終於首次揚威亞錦賽。大隻佬並不認為自己有豐富的運動天份,但他坦言可分為兩方面去講:“天份,可以理解為先天身體條件,同樣可以係性格,我屬於後者。我曾經擔任過不同項目的教練,見過不少有天賦的運動員,但最後奪得冠軍的總是那些同期二、三線的人,因為他們會將勤補絀,比天份高的運動員下更多苦功練習。而我,是屬於三、四線的運動員,我一直深信堅持才是成功之道,我比別人優勝的可能係我會用心去鑽研一些訓練技巧,這方面我確實有一套方法,另一點,做運動員一定要有好勝心,我有,因為我不服輸。”

970ee9e255768f17d0bef35c98442764.jpg

邱頌華認為性格和心態對運動員的成功路有直接影響

唔夠膽著背心出街

參加得健美比賽,邱頌華給人的印象肯定係充滿自信,但阿Joe的成功,全因他對自己沒有信心:“其實我個人冇乜自信,所以每次比賽,健美又好,其他項目都好,我都會付出比別人更多的努力,以最壞的打算去做最好的準備,絕不會鬆懈。”阿Joe又舉一個例子證明自己信心不足:“我從來唔會著背心出街,因為一身肌肉其實好肉酸,莫講話女仔,男仔見到都會怕怕,就算搵我影相的人都係因為好奇,並非欣賞,同去動物園與熊合照沒有分別。”

bb3f66ca6eeeea55385cb668f3b7583d.jpg

咪睇阿Joe台上的眼神咁堅定,原來台下的他缺乏自信。

最鍾意食肥腩炸雞

要保持一個健美先生身型,背後所付出的辛酸,一切盡在不言中,尤其是“食”方面,非常嚴格,邱頌華分享了他的“地獄餐單”:“不論任何運動,運動員在比賽前後只有兩個階段,一係比賽期,二係準備比賽期,所以我的三餐都係以冇鹽、冇油、低卡路里、低碳水化合物為基礎,味道比貓飯狗飯更難食。”阿Joe偷偷地話:“未玩健身之前最鍾意食肥腩同炸雞,而家有時都忍唔住口,不過最多一個月、可能更耐先食一次,因為食完好有罪惡感。”

7ea90fb2f75d68d55715d4f6904ef0a2.jpg

邱頌華在健美的付出和成功,獲營養品品牌邀請做代言人。

還是覺得田徑最好

邱頌華的健美生涯,又度過人生另一個十年,被問到會否再轉型投入另一項運動?阿Joe坦言未有打算:“我認為我在健美運動可以有進步空間,下個目標係衝擊世錦賽。不過將來若結束運動生涯,可能會考慮玩返賽車,到現在仍很有興趣。”談到最鍾意的運動項目,阿Joe非常“葡萄”地說:“應該係田徑!人就係咁,得不到的東西永遠是最美好的。”

e26aaaae9cfed76448703c94975fac34.jpg

在劉翔面前,阿Joe變成小粉絲。

5253f88c50bb7767b4da4789696e0355.jpg

阿Joe話凡係後生仔啱玩的,佢都啱,War Game只係其中一樣。

享受做煲劇“宅男”

愛動的邱頌華,原來都有“宅男”一面,最大興趣係留在家中煲劇:“我好鍾意睇戲,記得讀書年代經常去租碟返屋企睇,試過成個暑假都唔出街,到而家大個咗,一有時間都會咁做。”不過一講到玩,阿Joe又話自己非常爛玩:“而家鍾情玩遙控飛機,總之新奇有趣、啱玩的,我都會試。”

f618a829575793fdafb5fec48b0b9746.jpg

邱頌華感噭家人一直默默支持

 

邱頌華資料夾

花名:邱仔

身高:170cm

體重:230磅(非賽季)

生日:2月11日

星座:水瓶座

職業:公務員 

性格:平時小說話

座右銘:堅持心中理想

目標:要創造紀錄,多次總冠軍。

偶像:李小龍,米高積遜

死穴:冇喎

最喜歡食物:牛腩河

最喜歡電影:猛龍過江