手機看食物
本人時常喜歡一個人去一D比較寧靜既地方食下野，但澳門地小人多的特點好難做到，再者仲要加埋野食有番咁上下的實在難找，所以我很喜歡黎緊要介紹比大家既餐廳。
近年澳門興起開café的熱潮，新開的café可以話係多不勝數，但想找好食既又真係不易，仲要咖啡同食物同樣有質數的更加小之又小，所以真係想推介呢度比大家。
典雅咖啡
地址: 澳門瘋堂中斜巷17號
營業時間:12:00 – 18:30
電話: 66277255
風味蕃茄鮮蝦意大利粉 (微辣) MOP$63
我時常食到既蕃茄意粉不是太酸就汁太”杰”，難入口，但呢個就剛好味道適中， 連我唔係咁岩茄意既人都十分喜歡。
白汁蜆肉意大利粉 MOP$65
呢個一流，個白汁濃度剛好，意粉軟硬度岩晒我要求，蜆肉鮮，我唔使五分鐘就食晒。
白汁三文魚意大利粉 MOP$68
呢個白汁同蜆肉個白汁又有分別，可能配三文魚將其濃度減低，但同樣色香味俱全。
芝士火腿配墨魚汁包 MOP$59
包好軟熟，芝士火腿軟滑，一啖食落口，確係回味無窮。
芝士火腿配牛角包 MOP$58
跟住再試芝士火腿配牛角包，又有另外一番風味，大家一定要試。
蒜蓉包 MOP$32
唔想食太多野既朋友，可選蒜蓉包，香氣四溢的蒜蓉味道，加埋脆脆的包包，實在滿足。
焦糖咖啡 MOP$33
想找到自己想飲既咖啡味道其實都不是易事，但典雅咖啡可以比到我。
摩卡咖啡 MOP$33
香濃既咖啡豆味，餘韻亦長，飲完一啖即刻想飲第二啖。
羅馬式咖啡 MOP$30
其實呢杯係一杯特濃咖啡，細細杯，加入一D檸檬味，真係岩晒作為一餐既終結。
典雅咖啡地方少，但服務同舒適度都十分好，想要喜歡寧靜既朋友們，真的要去試試。今期又講住咁多先.下期再見。
如果大家想同我分享美食，可電郵或到手機看食物的facebook專頁。
facebook專頁:在facebook內搜尋 “手機看食物”
AC
