十個波友九個都話，E組出線頂頭大熱必選西班牙，雖然與沙維，恩尼斯達等粒粒巨星時期的黃金一代“紅牛戰士”相比仍差一班，但戰力上明顯續漸提升，能否重奪歐洲冠軍，就要睇球員造化。同組對手之中，除了瑞典較有威脅外，波蘭與斯洛伐克簡直當等閒之輩，西班牙可以“坐定粒六”踢淘汰賽。

瑞典未正式出征就遇到挫折，兩名中場主力中招“新冠”，未見官先打八十大板，幸好，瑞典整體實力相當平均，球員亦有一定級數，出線依然非常樂觀。

一講波蘭，一定唔少得利雲度斯基，當然陣中亦有唔少好波之人，基祖維克，施連斯基及門將施薩斯尼等，都有一定份量，絕對係E組黑馬份子，能否出線？“食粥食飯”相信要睇最後一輪火拼瑞典之生死戰。斯洛伐克明顯與以上三隊低一個層次，如果能夠攞到第三名出線，已經叫做爆冷。

E組預測出線

西班牙+瑞典。