四強對決之前，相信大家期待的歐國盃決賽，係由英格蘭對意大利，呢場夢幻決賽終於實現。

阿Ben並非馬後炮，英格蘭要去到加時才能淘汰丹麥出局屬意料之中，事實力上英格蘭的而且確稍為高於丹麥些少，再加上天時地利人和，贏波應該，輸波天災。但要去到加時先搞掂對手，唔多唔少都令“粉絲”有點失望。

其實丹麥並非冇料到，球員平均技術質素唔差，更有頑強拼勁與鬥心，足以令英軍欠缺必勝把握。無奈丹麥最大輸波因素在於體能上及後備力不足，通常弱隊打強隊付出體力比較多，加上連場激戰兼舟車勞動，丹麥可以話“雖敗猶榮”。