今届歐國盃終於曲終人散，首先恭喜意大利，憑著互射點球擊敗東道主英格蘭，成為今屆歐洲王者，意英兩隊的確合演一場精彩比賽，英格蘭領先情況下，被意大利追和，最終在最殘酷的12碼下犧牲，可能天意難違。

正如阿Ben所料，英格蘭致敗原因就係“經驗”，特別在互射12碼方面，想問領隊修夫基一句，請問拉舒福特與沙卡兩位後生仔，幾時在國際賽大戰中射過12碼？“修哥”實在棋差一著，想一想呢兩位“小朋友”主射之前，所受的壓力與心理質素係點呢？最後只有祝福呢兩位小朋友，有機會再踢國際大賽時，必要忘記今次陰影，千其唔好有射碼後遺症。

車路士奪得歐冠盃冠軍，意大利成為歐洲霸主，阿根廷掃“黃”成功，勇奪南美洲盃，今年可能係“藍”色天下。