今屆歐國盃決賽明晨上演，英格蘭坐鎮主場迎戰意大利。
除了有天時地利人和之外，英格蘭在體能上同樣佔優，對丹麥一戰，英軍在控傳與互動方面都踢得相當悅目，不過唔好忘記，丹麥的埋身迫搶及壓迫力明顯不及意大利快狠準，所以英軍今仗能否踢得暢順都係一個問題。
意大利上場對西班牙防線的確出現唔少缺口，但英格蘭地面小組渗入又未必有西班牙做得細緻，如果以高空攻勢，意大利完全未驚過，英格蘭要攻破意大利大門，必須要多元化進攻。
意大利由守轉攻的速率，與英格蘭一樣極具威脅，雙方勝負將取決於臨場發揮。
值得一提，英軍雖然有主場之利，但講到踢決賽大戰經驗，呢班年青球員可能增加唔少壓力，或會成為今場致命傷。
雙方實力實在難分高下，極可能，要去到加時或點球，才能分出勝負，
我捧經驗十足的意大利可以封王。
