話說上星期有一個波友突然向我報料話有間新開食lunch唔錯既地方.，他用whatsapp send左D 圖片比我，我看到真係好似唔錯咁， 好奇心下即刻去試，眼睇到西式餐廳$108既set lunch，無錯係$108，心諗呢個價錢會是如何水準，究竟係抵食唔抵食,試完就會一清二楚。
地址: 勞動節大馬路331號地下N座保利達花園
營業時間:12:00 – 22:30
電話: 28767988
扒美國牛肝腱肌配時菜白飯 (Set Lunch價內主菜選擇之一)
稱得上steak house，當然試下D 牛，好有咬口，夠多肉汁，可口非常。
煎雞胸釀鵝肝蘑菇 (Set Lunch價內主菜選擇之一)
呢個菜我幾like，雞胸唔韌好食，釀鵝肝粒在雞胸內，增加左層次感，蘑菇汁幾過癮。
香煎鯛魚柳配意大利粉 (Set Lunch價內主菜選擇之一)
魚滑身唔”鞋”口，同煎得幾香，意粉都算煙韌。
是日餐湯(Set Lunch價內)
我飲到既是日餐湯是忌廉番茄湯，睇色仲以為係南瓜湯，但一入口就感覺到番茄既鮮香，湯底又夠滑身，好味道。
凱撒沙律配煙三文魚 (Set Lunch價內)
凱撒沙律，菜夠鮮同脆身，加左三文魚可給喜歡吃三文魚既朋友一個驚喜。
咖啡(Set Lunch價內)
我真係習慣左每一餐最後要一杯咖啡，真係人生一大樂事。
朱古力心太軟 (唔記得正名)，要製作25分鐘 MOP$65。
如果大家食完餐覺得要加多個甜品，可以試下呢個，雖然要等25分鐘，但夠晒流心，朱古力亦夠晒香。
老實講, $108有如此水準. 有湯, 沙律, 主菜再加咖啡或茶. 我覺得係澳門呢個物價咁高既地方. 真係十分超值. 水準絕對好食. 大家真係不妨去一試. 試左大家就知道當中既好食之處. 今期又講住咁多先.下期再見.
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
AC
