今個星期真驚喜,老板竟然話請飲茶,我話無問題,但最驚喜就係有同事話去新葡京8餐廳。本人就真係未去過,其實想試好耐,今次終於可以試下。唔講咁多,因今期圖片較多,請大家耐心欣賞。
8餐廳
地址: 新葡京綠金層(2/F)
營業時間: 11:30 -14:30 (星期一至六),10:00 - 3:00(星期日及公眾假期), 18:30-22:30。
電話: 88037788
藍天使鮮蝦金魚餃5件 MOP$100
很精美的蝦餃,外皮好煙韌,蝦鮮味甜。
脆香叉燒包5件 MOP$75
又一造型特別的點心,包皮彈牙,內有香濃味道的叉燒。
鮮蟹肉小籠包5件 MOP$75
18摺的小籠包,皮不算很薄,但有鮮甜蟹肉湯包搭夠。
荔茸鳳尾蝦5件 MOP$75
外脆內夠軟身的荔茸,蝦亦夠爽,滋味。
XO醬豚肉刺蝟水晶餃5件 MOP$75
又一刺蝟形點心,肉粒加特製醬汁,十分配合,好味。
珊瑚桂花白菜餃5件 MOP$75
煙韌的珊瑚蚌配爽脆的白菜,充滿層次感。
原隻鮑魚羊肚菌雞粒酥 MOP$68
酥底做得好鬆化,鮑魚夠入味又夠稔身,值得一讚。
日本青瓜漬叉燒腸 MOP$60
呢個比較特別,腸粉夠滑,再加入日本青瓜做材料,真係夠晒創新。
河蝦肉鬆手袋酥 MOP$60
只睇賣相同加埋化身既酥皮,已經夠晒滿足。
麻香粉皮手撕雞 MOP$90
雞夠嫩身,粉皮夠軟,唯一缺點就是份量少左D。
椒鹽龍利仔 MOP$80
呢碟龍利仔真係脆到無朋友!
燕液雪人包 MOP$60
最後黎個頭係豆沙餡,身係奶黃餡的雪人包,只係睇賣相就已經攞足一百分。
最後呢個葡撻,奶茶同埋呢篇第一幅圖既前菜,都係送的,單計呢幾樣野既誠意. 已足夠有餘。
其實呢度係食手工,食排場多於味道,但大家又唔好懷疑食物既質數,都係好味道的。我有時又會覺得食下D靚同精緻既食物,享受下好既環境同高級既服務, 都係一件賞心樂事,今期又講住咁多先。下期再見。
如果大家想同我分享美食,可電郵或到手機看食物的facebook專頁,
facebook專頁:在facebook內搜尋 “手機看食物”
AC