今期又要多謝一位朋友既推介. 近幾個月澳門多左一D由法藉師傅主理的法式麵包餅店. 我自己覺得都係一件好事. 可以比澳門市民多一D選擇. 試多D唔同質感既食物. 所以今期我就同大家試下最新開設既呢間麵包餅店.
地址: 澳門高地烏街52B曉暉閣地下G
營業時間: 10:00 – 19:00
電話: 28527763
榛子巧克力牛角. MOP$15
呢個牛角可以話係我最喜愛的味道. 軟滑既朱古力. 好有煙韌感既包身. 加埋榛子粒. Perfect!
法式蘋果酥皮派. MOP$20
清新既蘋果香味. 最喜愛的酥皮底. 脆口加不易斷. 好味!
紅寶石. MOP$20
充滿紅莓味. 蛋糕本身很軟滑. 餅底亦同樣出色.
法式比薩法棍. MOP$30
芝士味香濃但沒有搶去法棍的味道. 法棍亦做到外脆內軟.
法式三文治. MOP$30
又係其中一樣我很喜歡的出品. 香軟芝味的上層. 配合鬆軟的麵包. 口感簡直無得頂.
迷你蝴蝶酥. MOP$4.5
真係脆身不易散. 細細個. 易入口.
檸檬撻. MOP$20
呢個檸檬撻味道適中. 不會過酸. 很喜歡這種輕輕帶過又不失檸檬的香味.
香腸烤三文治. MOP$35
脆烤香的包身加塗滿特製醬汁既香腸. 包保大人細路都like.
各式馬卡龍. MOP$13 (粒)
外皮不硬有煙韌感. 有草莓, 朱古力, 焦糖, 香桃, 檸檬味等等. 梗有一款岩你胃口.
試完咁多款包同餅後. 確實真係可以帶到一種衝擊比澳門傳統的餅店. 質感真係有唔同之處. 但話雖如此. 價錢亦都係會比傳統的貴. 值唔值得貴D去食質數好D既麵包. 就要由讀者去試試才可以下結論. 今期又講住咁多先.下期再見.
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
by AC(逢周四刊出)